آپلود عکس رایگان و دائمی تبریز،دیلک لر شهری

شنبه سی و یکم فروردین 1392

تاریخسل کرپیج‌بیشیرمه بورجون؛ تدریجی ییخیمی!

تاریخسل کرپیج‌بیشیرمه بورجون؛ تدریجی ییخیمی!

تاریخسل کرپیج‌‌بیشیرمه بورجو ؛ییخیم(تخریب) دؤنه سینده!

تاریخسل کرپیج‌‌بیشیرمه بورجو،ایمام شهرجی‌ینده یئرله شیب.بو اوجا بورج، 50مئتیر اوجالیق‌لا،بیر تاریخسل تیکینتی ساییلیر!اما ،بؤلگه6بلدیه‌سی، بو تاریخسل ابنیه‌یه یئتیشمه‌دن ؛تدریجی ییخیمینادا باعیث اولور!


شکیل:آناج



نوشته شده توسط ائل خادیمی در 19:7 |  لینک ثابت   • 

شنبه سی و یکم فروردین 1392

سهند، یئنی شهری

سهند، یئنی شهری

تبریز‌،بؤیوک‌ شهرین،آرتان‌نفوسونون‌ یوخلاییشینا گؤره؛سهند،یئنی شهری،2100هئکتار ساحه ایله نظره‌ آلیندی(گلیشمه توتونجو14000هئکتار).سهند یئنی شهری؛1366نجی ایلین بهمن آییندا؛ تبریزین گونئی باتی‌سیندا،تبریز- آذرشهر یولونون کناریندا یئری بللندیریلدی.1369دا یئر بللندیرمه آراشدیرمالاری و مطالعاتی بیته‌رک ؛"شهرسازی ومعماری "شوراسی‌نین تصویبینه یئتیشیلدی.

سهند،یئنی شهری؛تبریزه یاخینلیغی و خوش هاوا ایقلیم و سهند صنعتی بیلیم  یوردونونون یاخینلیغیندا یئرشمه‌یه گؤره، سورعتله گلیشدی.سهند،یئنی شهری،13610نفرله دوغوآذربایجانین اون‌سککیزینجی،شهری ساییلیر(1385نجی ،باش سایی‌دا)




سهند ،یئنی شهری1387ده، بلدیه تیکینتی‌سی بیته‌رک،ایلک بلدیه باشقانی سئچیلدی ؛سهند یئنی شهری،دوغوآذربایجانین 58ینجی شهری اولاراق تانیندی.

نوشته شده توسط ائل خادیمی در 14:9 |  لینک ثابت   • 

پنجشنبه بیست و نهم فروردین 1392

دئپرم ،دوغو آذربایجانین شهرلرین،تیترتدی!

دوغوآذربایجانین،تسوج شهرینده،دئپرم اوز وئردی.

بو دئپرم،ساعات 13:09دقیقه‌ده،5.5بؤیوکلویونده،"تسوج "بؤلگه‌سین‌ تیترتدی . ایندیه‌دک ؛جان‌ومال ایتکیی‌سی قونودا هئچ بیلیگی یوخدور.

دئپرم‌ین درینلیگی،یئرین8کیلومتیرلیگی‌ دیر.16 آرتیجی ‌دئپرم(پس‌ لرزه)ساعات 17:45دقیقه‌یه‌دک اوز وئریب.دئپرم؛ تبریز، آذرشهر، عجب‌شیر، بناب و مرندده ده حیس ائدیلیب.



سیرا دئپرم چاغی(یئرل ساعات) ائنلم بویلام درین بؤیوکلوک
۱ ۱۳۹۲-۰۱-۲۹ ۱۷:۳۵:۰۴.۴ ۳۸.۴۱ N ۴۵.۴۳ E ۲۹ ۲.۳
۲ ۱۳۹۲-۰۱-۲۹ ۱۷:۱۸:۲۲.۳ ۳۸.۳۹ N ۴۵.۳۹ E ۱۰ ۲.۳
۳ ۱۳۹۲-۰۱-۲۹ ۱۷:۰۸:۵۹.۱ ۳۸.۴۰ N ۴۵.۳۷ E ۱۲ ۲.۱
۴ ۱۳۹۲-۰۱-۲۹ ۱۶:۲۴:۱۵.۰ ۳۸.۳۷ N ۴۵.۳۴ E ۱۴ ۳.۲
۵ ۱۳۹۲-۰۱-۲۹ ۱۶:۱۹:۰۳.۶ ۳۸.۳۷ N ۴۵.۳۹ E ۱۰ ۲.۳
۶ ۱۳۹۲-۰۱-۲۹ ۱۶:۰۹:۵۹.۱ ۳۸.۴۱ N ۴۵.۳۳ E ۱۲ ۳.۹
۷ ۱۳۹۲-۰۱-۲۹ ۱۶:۰۲:۴۳.۲ ۳۸.۴۲ N ۴۵.۳۵ E ۱۲ ۲.۹
۸ ۱۳۹۲-۰۱-۲۹ ۱۵:۵۰:۱۷.۳ ۳۸.۳۷ N ۴۵.۳۴ E ۱۶ ۳.۸
۹ ۱۳۹۲-۰۱-۲۹ ۱۵:۴۲:۲۶.۰ ۳۸.۳۹ N ۴۵.۳۸ E ۱۴ ۳.۴
۱۰ ۱۳۹۲-۰۱-۲۹ ۱۵:۳۹:۴۹.۹ ۳۸.۳۷ N ۴۵.۳۷ E ۱۵ ۳.۲
۱۱ ۱۳۹۲-۰۱-۲۹ ۱۵:۳۸:۲۷.۹ ۳۸.۴۰ N ۴۵.۳۵ E ۱۴ ۳.۱
۱۲ ۱۳۹۲-۰۱-۲۹ ۱۵:۳۱:۵۶.۲ ۳۸.۳۸ N ۴۵.۳۸ E ۱۲ ۳.۰
۱۳ ۱۳۹۲-۰۱-۲۹ ۱۵:۲۸:۵۱.۲ ۳۸.۴۰ N ۴۵.۳۶ E ۱۸ ۳.۳
۱۴ ۱۳۹۲-۰۱-۲۹ ۱۵:۲۳:۰۴.۴ ۳۸.۴۱ N ۴۵.۳۵ E ۱۲ ۳.۰
۱۵ ۱۳۹۲-۰۱-۲۹ ۱۵:۱۸:۱۳.۷ ۳۸.۳۹ N ۴۵.۳۸ E ۱۲ ۲.۴
۱۶ ۱۳۹۲-۰۱-۲۹ ۱۵:۱۴:۴۲.۹ ۳۸.۳۹ N ۴۵.۳۶ E ۱۲ ۴.۱
۱۷ ۱۳۹۲-۰۱-۲۹ ۱۵:۰۹:۳۷.۱ ۳۸.۳۲ N ۴۵.۳۶ E ۸ ۵.۲

نوشته شده توسط ائل خادیمی در 21:28 |  لینک ثابت   • 

پنجشنبه بیست و نهم فروردین 1392

تبریز مئتروسو، خورداد آییندا، آچیلیش اولاجاق

‌‌
دوغوآذربایجان‌نین،عمرانی‌والی یاردیمچی‌سی(معاون عمرانی استاندار)،تبریز مئتروسونون آچیلیشندان خبر وئردی!


"محمد اشرف‌نیا"،فارس‌ خبرآژانسی‌لا دانیشیقدا،دئدی:تبریز مئتروسونون ایلک خطدی،خورداد آیین،ایلک گونلرینده آچیلیش اولاجاق.

اشرف نیا آرتیردی؛بو گونه‌دک؛مئترونون 7کیلومتری قوللانماق اوچون حاضیرلانیب ؛متئرو بو آنا(لحظه) قدر؛ تیکینتی یؤنوندن 99.5فایز ایرلیشی اولوب.تبریزمئتروسو،"مهر ماندگار" طرح لریندن اولاراق؛دولت 1300میلیارد ریال مئترو اوچون وئریب.پوروژه‌نین ایجراسینا 700میلیارد ریال ، واگون آلماق اوچون 600میلیارد ریال خرجله نیب.

"اشرف نیا" اک‌له‌دی:دولت 3میلیارد ریال بلدیه پای‌یندان چوخ، تبریز مئتروسونا اعتیبار وئریب.شهر گئت گلی(ترانزیتی) تکنولوزی‌یه قورولو(مجهز) اولسا،ترافیک یوکو،گئت‌گل و یاناجاق(سوخت) اوجر‌ه‌ت‌لری و هاوا کیفیرلنمه یین اؤلچوسو آزالاجاق.

تبریز مئتروسونون، ایلک فازی 7کیلومئتیر اوزونلوقلا، ائل گؤلو دوراغیندان، اوستاد شهریار دوراغینا‌‌دک گؤزله نیب.



نوشته شده توسط ائل خادیمی در 15:20 |  لینک ثابت   • 

سه شنبه بیست و هفتم فروردین 1392

گله جک 4گونون هاوا دورومو

گله جک 4گونون هاوا دورومو


هاوا‌‌بیلیم سازمان‌یندان، آلینان وئریله‌ره(داده) گؤره،گؤی اوزه‌ری، گله جک4 گونده؛ بولودلو و داغینتی یاغیش اولاجاق.

گؤزلنتی‌لر بو قرارا دیر:

چهارشنبه:بو گون،گؤی اوزه‌ری چوخلو بولودلارلا دولو اولاجاق؛داغینتی یاغیش، آزاراق یئل اسینتی‌سی گؤزله‌نیر.

یئل یؤنو،گؤنئی‌دن باتی‌یا ساری اولاجاق.البته  کئچن گونه گؤره ؛یئل اسینتی‌سین،شیددتی آزالاجاق. چهارشنبه نین سیچاقلیق درجه سی،ان یوکسک17c و ان آزی 11cدرجه گؤزله‌نیر.

پنج شنبه: بو گونون سیچاقلیغی دونه‌نه گؤره 6درجه سرینله شه جک ، یئل اسینتی‌سی کئچن گونه گوره ؛چوخالاجاق. گون اورتاسینادک،گؤی اوزه‌ری داغینتی بولودلو وگونشلی اولاجاق؛ اما سونرا داغینتی یاغیش وبولود گؤزله‌نیر . یئل یؤنو،قوزئی ،دوغو اولاجاق.پنج شنبه سیچاقلیق درجه سی،14  و ان آزی8 درجه اولاجاق.

جمعه:گون بویوندا آزاراق داغینتی یاغیش گؤزله نیر؛گؤی اوزه‌ری، یاریم بولودلوق اولاجاق،آخشام چاغی داغینتی یاغیشین یاغماسی،محتمل دیر.بو گون ،یئل اسینتی‌سی  ،کئچن گون‌لره گؤره آزالاجاق.بو گونه 15 و4درجه، ان یوکسک و ان آز سیچاقلیق،گؤزله نیر.

شنبه:گؤی اوزه‌رینه، یاری گونشلی و داغینتی یاغیش گؤزله نیر.ساعات 14دک گؤی اوزه‌ری گونشلی وپارچا بولودلوق اولاجاق،آخشام چاغیندا؛ آزاراق داغینتی یاغیش  و یئل اسینتی سی گؤزله نیر.سیچاقلیق دونه‌نه گؤره ملموس دگیشیک لیغی اولمایاجاق.




نوشته شده توسط ائل خادیمی در 21:27 |  لینک ثابت   • 

سه شنبه بیست و هفتم فروردین 1392

باتی آذربایجان بؤلگه سین، هاوا دورومو

باتی آذربایجان بؤلگه سین، هاوا دورومو


هاوا بیلیم سازمان‌یندان، آلینان وئریله‌ره(داده) گؤره، گله جک 24 ساعاتدا؛غربی آذربایجان ایالتینده،بیراز بولودلوق،هردن بولودلارین چوخالماغی و داغینتی یاغیش و آزاراق یئل اسینتی‌سی گؤزله‌نیر(پیش بینی می شود).

هاوا بیلیم‌یندن آلینان وئریله‌ره گؤره،"تکاب "کئچه‌ن گئجه،2درجه سیچاقلیق‌لا ،بؤلگه‌نین ان سرین هاواسینا صاحیب‌ایدیر و بو گون "پلدشت"،21 درجه سیچاقلیق‌لا ،بولگه نین ان ایستی شهری آدلاندئ.

قایناق:اورمو اؤلکه‌سی


نوشته شده توسط ائل خادیمی در 13:4 |  لینک ثابت   • 

دوشنبه بیست و ششم فروردین 1392

رفاه‌ین یئنی هایپر مارکتی،"الماس تبریز" بازاریندا قورولاجاق.

رفاه‌ین یئنی هایپر مارکتی،آسیلی کؤرپونون آلتیندا قورولاجاق.


"الماس تبریز" بازاری،ایکی ایل اؤنجه آچیلیش اولدو ؛اما ایندیه دک،بو پاساژ ایشلتمه دؤنه سینه آشماییب، یاخین گونلرده، تبریز بلدیه سی،"رفاه" زنجیرلی ساتیش مرکزی ایله بیر تیجاری مقاویله باغلاییب‌‌لار،بو مقاویله یه اساس؛رفاه شیرکتی، ،الماس تبریز بازارین،رفاه‌ین بیرینجی هایپر مارکتی‌نه چئویره جک.

رفاه‌ین یئنی هایپر مارکتی،13مین مئتر موربع‌ ساحه ده،تبریزین آسیلی کؤرپوسونون آلتیندا قورولاجاق. رفاه شیرکتی؛بیر آی اؤنجه دن ،هایپر مارکتین تکمیللتمه‌یی اوچون ؛فرقلی ایش و ایش‌چی‌لره،امکداشلیق چاغریشی وئریب:

-چؤرک‌چی لیک و صنعتی چؤرک یاپماق

-قنادی و تاتلی‌چیلیق

-ات‌چی وبالیق‌چی لیق

-تاخیل،مئیوه وگؤی گؤورنتی

-موبایل،الکترونیکی آراج‌لاری

-کافی شاپ،رستوران،فست فود

و...


رفاه‌ین ،یئنی آلیش وئریش مرکزی،ترافیک یوکون آزالتماق وقوللانچی‌لارین راحاتچیلیقلارینا گؤره؛ بو ساتیش مرکزینده،اؤزل ایکی قاتلی پارکینگ تؤره دیب.



نوشته شده توسط ائل خادیمی در 21:32 |  لینک ثابت   • 

یکشنبه بیست و پنجم فروردین 1392

یاریش اؤنجه سی:تراختور - فولاد

یاریش اؤنجه سی:تراختور - فولاد


اون ایکینجی دؤوره -32ینجی هفته

تراختور -فولاد

ایلک اویونون سونوجو:فولاد3 -2 تراختور

یاریش چاغی:دوشنبه ساعات19

ایستادیوم:یادیگار ایمام

مئیدان حاکیمی:محسن قهرمانی


بیر گونده‌کی، جدولین بیرینجی و ایکینجی تیم‌لری بیر بیریله گؤروشه جک‌لر،تراختور جدولین اوچونجو تیمی اولاراق،جدولین دؤردونجو تیمین یعنی فولادین قوناقچی‌سی اولاجاق.

تراختور ،دوشنبه گونو، بیر حساس اویوندا، فولاد تیمین‌دن، اوچ خال ایله کئچه بیلسه،اوچونجولویون کسگین ائده رک،ایکینجی یوخسا بیرینجی سیرالارا دا فیکیرله شه بیلر! اما فولاد، تبریزی اودقو ایله ترک ائت سه ،اوچونجولویه داها  یاخینلاشار ،و البته سونوجو، بو گؤروش ده تراختورا اودوزسا،اؤزونون دؤدونجو سیراسی دا،نفت تهران طرفیندن تحلوکه‌یه دوشه بیلر.اصلده ،بو گؤروشون اودقوسو،هر ایکی تیمه ،آسیا قاپی‌سی ساییلیر.

تراختور و فولاد تیم‌لری ،" لیگ برتر "سویه سینده 9دفعه گؤروشوب‌لر؛بو 9یاریش‌ین سونوجو، فولادا 4 اودقو   و تراختورا ایکی اودقو  و اوچ اویون برابرلیک اولوب.ایلک اویوندا، فولاد بیر دیرلی اودقولا تراختورو، تبریزه گؤنده ردی،تراختور ،دؤنوش اویونوندا، فولادین کئچمیش اودقوسونونو جاوابلاما زوروندا دیر.

"محمدنصرتی"، تراختوردان و "مهدی‌امیرآبادی" ، فولاددان،بو یاریشا قاتیلماقدان محروم دورلار.نصرتی‌نین،یئرین ،ساوونما خطینده یوزده دوقسان، سید محسن حسینی دولدوراجاق.



نوشته شده توسط ائل خادیمی در 19:12 |  لینک ثابت   • 

شنبه بیست و چهارم فروردین 1392

دوکتور حسابی‌نین ،انیشتین ایله بیرلیکده چکیلمیش شکیل‌لی یوخدور!!

دوکتور حسابی‌نین ،انیشتین ایله بیرلیکده چکیلمیش شکیل‌لی یوخدور!!

هردن ، انیشتین‌‌نین باشقا اینسانلار ایله چکمیش شکیل‌لری‌ اینترنت ده یایینلانیر و ایدعا اولونور بو شخص "دوکتور حسابی" دیر!اما بو سؤیله‌نتی لره ،سون قویماق اوچون،دئمه لی‌دیر؛"دوکتور حسابی" و انیشتین بیرلیکده هئچ شکیل چکمه ییب لر! البته بیر گون بو قونودا شکیل تاپیلسادا،دوغرو یوخسا یالانی، اوزمان لار طرفیندن بللنمه‌لی‌دیر.

بورایا دک اوچ شکیل،توپلومدا سؤیله نتی‌لرین یایینلانماغینا مئیدان وئریب؛بو اوچ شکیل لردن بیریسی؛اوتریش‌لی، ریاضی‌چی فیلسوف، "کورت گودل" (1906دوغوملو؛ برنو شهرینده؛اؤلوم،امریکانین نیوجرسی ایالتینده)  جنابلارینا باغلی دیر.بو گؤرونتو "کورت گودل" و انیشتین‌نین چیکلمیش شکیلی دیر.

اؤرنک سؤیله نتی :بوشکیل،"پروفسور حسابی درکنار انیشتین" باشلیغیلا "جهان نیوز" سیته سینده،یایینلانیب!

آشاغی داکی شکیل ایسه ،پایلاشیم سیته لرده دوکتور حسابی یه عایید ائدیلینیب‌دیر:

بوشکیل ده "بهرام کورشون اوغلو "(1922دوغوملو،تورک فیزیک‌چی)،انیشتین‌نین کناریندا گؤرونور! و دوکتور حسابی جناب‌لارینا عایید دئییل!!

بیر باشقا شکیل، انیشتین و کورت گودل(آلمانجا: Kurt Gödel)جنابلاریندان .

بو شکیل، سانال(مجازی) دونیاسیندا ،دوکتور حسابی جناب‌لارینا باغلی و عایید بیلدیریلینیب دیر.

دوکتور حسابی‌نین اؤز اوغلو ایسه بو شکیلی رد ائله ییب و دوکتور حسابی جنابلارینا باغلی اولماماغین بیلدیریب!

بو یازقی،گمانه سیته سیندن ،تورکجه یه چئوریلیب.

نوشته شده توسط ائل خادیمی در 17:58 |  لینک ثابت   • 

جمعه بیست و سوم فروردین 1392

بؤلگه 2بلدیه نین،مکانیزه اوست اؤرتولو پارکینگی

بؤلگه 2بلدیه‌نین،مکانیزه اوست اؤرتولو پارکینگی

مکانیزه ونئچه قاتلی اوست اؤرتولو پارکینگ وآلیش وئریش،ایداری مرکزی،بؤلگه2بلدیه‌نین کناریندا تیکیله جک.

گئنل بیلیگی:

-تیکینتی یئری:بؤلگه 2 بلدیه نین،کناری

-یئر ساحه سی:290مئتر موربع

-تیجاری ایداری، آلت یاپی:1416مئترموربع

-ایداری تیکینتی‌نین، قات سایی:7قات

-آلیش وئریش مرکزین قات سایی:2قات

-ایداری تیکینتی‌نین اوجالیغی:28مئتیر

-پارکینگین تام توتونجو(گنجایش):96 واحید

-یاتیریم:40میلیارد ریال

-مشارکت یاناشماسی(روشی):BOT

-تکنولوژی:گونئی کوره



نوشته شده توسط ائل خادیمی در 21:34 |  لینک ثابت   • 

چهارشنبه بیست و یکم فروردین 1392

آلت کئچید(زیرگذر) یوخسا،سیل کئچید(سیل گذر)!!

آلت کئچید(زیرگذر) یوخسا،سیل کئچید(سیل گذر)!!

قاری کؤرپونون،آلت کئچیدی؛4مئتیر ائن له،چای کنار بؤیوک یولونون،دوغو باتی یؤنونده تیکیلیب.بو آلت کئچید500مئتر اوزونلوقلا بیر ائن سیز یول اولاراق ،هونر ومعماری دن بوش بیر یول‌دور؛بو آلت کئچید تک یؤن و4مئترلیک ائنینه گؤره، ساده توققوشماقلا، ترافیک ایچینه گیرمه یئ کسگین‌دیر! بیر بالاجا توققوشما؛بو ائن‌سیز یولون قیفیللانماغینا باعیث اولاجاق.

بو آلت کئچید نئچه یؤندن،آنالیز اولمالی‌دیر:

گؤزللشدیرمه :

بو آلت کئچید،اصل ده بیر سیل کئچیدی دیر!بو آلت کئچید ،معمارلیق وهونردن محروم دور! باشقا بؤیوک شهرلرده،آلت کئچیدلرین معماری لرینه اؤزل اؤنم وئرمک له شهرین گؤزل لشمه سینه یاردیم اولورلار.

ـ ائنلی کئچید لر:

باشقا بؤیوک شهرلرده؛ائنلی وپیچیده آلت ،اوست کئچیدلرین تیکیلمه لرینه شاهیدیق اما تاسوفله تبریزده؛کئچیدی لر، نئچه لیک ونئجه لیک(کیفی وکمی) باخیمندان، باشقا شهر لرله توتوشدورمالی دئییل لر!!

-یاشیل چئوره:

یاشیل چئوره ،تبریزین چوخلو آلت،اوست کئچیدلرینده،نظره آلینمیر!

"بولور" آلت کئچیدی ؛یاشیل‌لی آلت کئچید اؤرنه یی اولا بیلر!

-ترافیک‌لی یول‌لاری بیربیرینه باغلاماق:

آلت کئچیدلرین آنا ایشلری،ترافیک یوکون آزالتماق‌دیر؛تاسوفله بو آلت کئچید،یالنیز بیر یؤنه،یولو وار! وکسه یول یا دؤنوش یولو یوخدور.



نوشته شده توسط ائل خادیمی در 12:59 |  لینک ثابت   • 

سه شنبه بیستم فروردین 1392

یاریش اؤنجه سی:تراختور - الشباب

یاریش اؤنجه سی:تراختور - الشباب

آسیا قهرمانلار لیگی

گروه:A

تراختور - الشباب

یاریش چاغی"چه رشنبه ـساعات20

مئیدان حاکیمی:کوولانکو والنتین، ایساو رافائل، سعید کاسیموف

ایلک اویونون سونوجو:الشباب 1 -تراختور0

ایستادیوم:یادیگار ایمام


قوناقچی:تراختور

تراختور ایلک اویوندا،ریاض دا ،بیر گل‌لا ، الشباب‌ین مغلوبو اولدو ؛ تراختور بو گروه دان یوخاری قالخماغا تبریزده کئچیریلن گورورشون اوچ خالینا ؛ احتیاجی وار.

تراختور بو اویونو اودماغیلا،3ایمتیاز  آزلیغین الشبابا گؤره پوزا بیلر و ایمتیازلاری ایلک دوروما دؤنده ره بیلر؛بو گوروش ،بیر 6ایمتیازلی اویون اولاراق؛هر ایکی تیمه اؤنملی دیر .

تراختور بو گوروش ده اودقو الده ائتمه یه؛ساوونما خطین ،قورومالی‌دیر و یانلیش حرکت لرین یوزده سین آزالتماغی گرگیر!بو اؤنملی و حساس گوروش ده ،تراختورون بیرینجی،اولویتی گل یئمه مک اولمالی دیر!

الشباب آچیق اویونا ماراق گؤسته ریر؛بئلنچی اویون تهری،تراختورا بیر یاخشی دوروم یارادا بیلر.



قوناق:الشباب(سعودی عربیستان)

الشباب،1500مئتیر دنیز اوزه ریندن اوجا اولان؛تبریزده؛تراختورا  قوناق دیر. الشباب،اوچ اویونوندا 9خال قازاناراق؛گروهAیا آغالیق ائدیر،عربیستان تمثیل‌چی‌سی،تبریزی اودقو ایله قورتار بیلسه؛اؤزون حذفی دؤرونده اولماغین؛کسگینله ده ر.

الشباب‌ین گوجلو  نوقطه لریندن بیریسی؛توپو مئیدان‌نین اوچ ده بیریندن سورعتله،رقیب‌ین اوچ ده بیرینه کؤچورمه سی‌دیر.ولید عبدالله؛الشباب‌ین قاپیچی سی؛بو تیمین، گوجلو قول‌لاریندان بیریسی ساییلیر.





نوشته شده توسط ائل خادیمی در 22:54 |  لینک ثابت   • 

دوشنبه نوزدهم فروردین 1392

چیچک چی‌لیک دکه لری ،تبریز شهرین، اوزه‌رینده قورولاجاق

چیچک چی‌لیک دکه لری ،تبریز شهرین، اوزه‌رینده قورولاجاق.

تبریز بلدیه باشخانی؛دئدی:چیچک چی‌لیک دکه‌لری  ،تبریز شهرین اوزه‌رینده قورولاجاق،بو ساتیش  و داغیتیم دکه‌لر؛خصوصی بؤلومون، گول‌لر وباشقا بیتگی‌لرین ساتیش و داغیتیما قویاجاقلار.

"نوین" آرتیردی؛گول،سئودا سیمگه‌سی اولاراق ،عاییله قورال‌لارین گوجلنمه‌یینه  و شهر اورتامین اینجه لیک و شنلی‌یینه باعیث اولان ائلمان‌لاردان بیریسی دیر .

نوین ؛ایلک دؤنه ده 50چیچک چی‌لیک مرکزین؛ قورولماغیندان خبر وئردی.

نوشته شده توسط ائل خادیمی در 17:40 |  لینک ثابت   • 

یکشنبه هجدهم فروردین 1392

بو یازی،"عسل بدیعی" نین روحونا سونولور

بو یازی،عسل بدیعی نین روحونا سونولور

اورگان باغیشی(اهدا عضو): بیر اینسانین ساغلیقلی اورگانلارین بیر قیسمین یا تامامین،بئیین اؤلومونون آردیندا ؛باشقا اینسانلارا باغیشلاماق دیر.

بئیین اؤلومو(مرگ مغزی):

بئیین اؤلومونده،بئیینه ،قان آخیمی کسیلیر و اوکسیژن بئیینه داشینمیر.  بئیین تام  ایشلوین الدن وئره رک؛تخریب اولور وگئری دؤنوشو مومکون دئییل.البته بئیین اؤلوموندن سونرا ؛هله باشقا اورگان لار ایشله ییرلر ؛اما زامان کئچدیکجه ایش دن دوشه جکلر.

بئیین اؤلومونون خسته سی؛قونوشماز ،گؤرمز،دستگاه سیز ،نفس چکممز ،بیلنجین(هوشیاری) الدن وئره ر،آغری نی حیس ائتمه ز.

دینسل یؤنو:

باغیشلایان تانری؛کریم قورآندا(مائده سوره سی،آیه32)بویورور:هر کس بیر اینسانا حایات وئره (اؤلومدن قورتارا) سانکی بوتون اینسانلارا حایات وئریب .(اؤلومدن قورتاریب)

اورگان باغیشی نین سیته سی

بو  سیته ده،اویه اولماقلا،سیزده مینلرجه باغیشلاییجی اینسانا قاتیلین و بیر اینسانا حایات باغیشلایین.




نوشته شده توسط ائل خادیمی در 17:28 |  لینک ثابت   • 

شنبه هفدهم فروردین 1392

"الماس غرب" ،تیجاری ایلنجه مرکزی

"الماس غرب" بازاری


"الماس غرب" پوروژه سی ،تبریزین تیکیلمک دؤنه سینده اولان ان یئنی تیجاری پوروژه لریندن بیریسی دیر؛بو پوروژه3500مئترموربع ساحه ده تیکلمک دؤنه سینده دیر؛"الماس غرب" ، 27735 مئتر موربع آلت یاپی‌یا صاحیب دیر.

"الماس غرب"‌ین، ایکی یئرآلتی قاتی،اوستو اؤرتولو پارکینگ دیر.ایکنجی قات 3500مئترموربع ایله هایپرمارکت اوچوندور؛"فودکورت" و"شهر اویونو" اوچونجو قاتدا یئرله شیب لر؛دؤردونجو قات ائیله 11ینجی قاتا دک،ایداری بولوم لرینه اختصاص وئریلیب.

"الماس غرب"،22"بهمن" خیاوانیندا،نفت شرکتین اؤنوندن تیکیلمک دؤنه سینده دیر(نصف راها یئتیشمه میش) ،الماس غرب،تبریزین گئت‌گل‌لی یئرینده یئرله شیب؛بو پوروژه هله لیک 6قات ایره لیشی اولوب.

"الماس غرب" حاقیندا گئنل بیلیگی:

-اوچ 6قاتلی بؤلوم و بیر 14قاتلی بؤلوم

-ایکی قات اوست اؤرتولو پارکینگ،توتونج(ظرفیت):400دستگاه

-125تیجاری واحید

-3500مئتر موربع هایپر مارکت

-فود کورت وشهر اویونو

-8قات ایداری

-200دستگاه پیلله برقی،2 قالدیریجی

آرتیرمالی دیر ؛"الماس غرب" ین ،گؤرنومو(نما) هله لیک کسگین دئییل و دیش گورونومونه فرقلی دگیشیگ لر گؤزله‌نیر .



نوشته شده توسط ائل خادیمی در 17:57 |  لینک ثابت   • 

شنبه هفدهم فروردین 1392

زبان ترکی یکی از آسانترین زبان هاست!

زبان ترکی یکی از آسانترین زبان هاست!



برخلاف ذهنیتی که در جامعه نسبت به زبان ترکی عمدا ( آگاهانه ) یا سهوا ( جاهلانه )ساخته اند زبان ترکی یکی از آسانترین زبان هاست،
آسان بودن زبان ترکی برای یادگیری هم نه به خاطر کم حجم بودن یا کم محتوا بودن آن بلکه به خاطر قانونمند بودن و بی استثناء بودن آن است . زیرا که زبان ترکی نه کم حجم است و نه کم محتوا و یکی از قانونمندترین و کامل ترین زبان های دنیا به شمار می آید .
تحصیل کردگان و عوام ساده دل وقتی با یک متن نظم و نثر ترکی روبرو می شوند قبل از هر چیزی می گویند : ای وای خواندن زبان ترکی چقدر سخت است » و دیگری برای این که از قافله عقب نمانده و حرفی زده باشد می گوید « آره ترکی چقدر سخت است »
این افراد که بعد از سال ها تحصیل در زبان فارسی ، عربی یا انگلیسی تحصیل کرده تلقی می شوند ، هیچ وقت به خود نمی گویند که من سال ها به فارسی خوانده و نوشته ام و اینک بر اساس تمرین و تکرار و عادت زبان های فارسی و عربی برایم آسان جلوه می کند اما در طول عمرم نه یک کلمه ترکی نوشته ام و نه یک جمله ترکی خوانده ام پس طبیعی است که در نگاه اول کتابت و املا و گرافیک ترکی در نظرم مشکل جلوه کند و جالبتر اینکه اینگونه افراد هیچ وقت این سوال فلسفی را از خود نمی پرسند که راستی چرا من نمی توانم زبان مادری ام را بنویسم و بخوانم ؟؟!

علی محمد بیانی (بئله اوخو ،بئله یاز ،کیتابیندان)

نوشته شده توسط ائل خادیمی در 12:31 |  لینک ثابت   • 

پنجشنبه پانزدهم فروردین 1392

بؤیوک داش خیاوانی،تبریزین مرکزینده قورولاجاق


بؤیوک داش خیاوانین(یایا قالدیریمی)، استارتی وورولدو

یئریمک و آددیملاماق اوچون، بیر یئنی بؤیوک داش خیاوانی ،45 مئتیر ائن و بیر کیلومتر اوزونلوقلا ،تبریزین بازار محدوده سینده قورولاجاق؛بو یئنی داش خیاوانین بویو، "دانشسرا" مئیدان نین دان،"ناماز "مئیدانینا دک اولاجاق.

بؤلگه8بلدیه سی،تبریزین اسکی بازاری و شهر مرکزین،داش دؤشه مه پیلانین باشلاییب؛بؤلگه بلدیه سی،نئچه گوندور،خیاوانلارین جدول لرین و آسفالتین سؤکمه سینه همت گؤسته ریب.

بؤلگه8 بلدیه نین ،سورمولوغوندا اولان بؤلگه،تبریزین، تاریخسل ،اسکی وتوریستی بؤلوم لریندن ساییلیر،بو اوزدن بو تاریخسل بؤلگه یه ،باشقا یؤنلردن، ده یر وئرمک گرکیر.

بو "یایا کئچیدی"(عابرگذر)،چوخلو یؤنلردن،"تربیت"، داش خیاوانی نیا اوخشاییر؛بو یئنی ،داش خیاوانین بویو، دانشسرا مئیدانیندان،راستا کوچه یه دک اولاجاق و یول اوزونلوغوندا،تیجاری مرکزلرین بیربیرلرینه باغلایاجاق.

بو یایا کئچیدی؛ بیر داش دؤشه مه خیاوان اولاراق؛10اسکی سو فووارسی و اسکی اوتوراجاقلار و فرقلی ایشیق ساچما سیستئم لرین ،اوزه رینده گؤره جک.

بلدیه نین،بو قونودا، ان اؤنملی ایشی،شهرین تاریخسل و اسکی بؤلگه لرینده ،ماشین لارین گئت گلین قاباغین آلماق دیر ،بو اوزدن ،داش خیاوان لاریندا ،برقی اوتوبوس و یا تراموا قورولاجاق.



نوشته شده توسط ائل خادیمی در 23:27 |  لینک ثابت   • 

پنجشنبه پانزدهم فروردین 1392

تبریزین، یاشیل چئوره سی

پارک لار و یاشیل چئوره سازمانی

تبریزبلدیه سین ،پارک لار و یاشیل چئوره سازمانی؛91ینجی ایلده،5میلیون آغاج وبیتکی اکمک ایله،تبریزین یاشیل چئوره سین ،بیر یاخشی دوروما چاتدیریبلار. ؛5میلیون آغاج وبیتکینین اکیمی له؛تبریزین یاشیل چئوره سی؛نئچه لیک ونئجه لیک(کمی وکیفی) باخیمندان، کؤره سل استانداردلارا یاخینلاشیب.

89ینجی ایلده800مین آغاج و بیتکی ،تبریز شهرین، اوزه رینده اکیلمیش دیر؛90ده بو سایی،1800000آغاج وبیتکی یه یئتیشدی،یاشیل چئوره نین گلیشمه وآرتیرماسی 91ینجی ایلده 5000000آغاج وبیتکی یه یئتیشدی بو سانی(عدد) ؛تبریزین، یاشیل گله جه ییندن خبر وئریر.

یاشیل تبریز آماجین بویوندا،92ینجی ایلده،500هئکتار یاشیل چئوره نین اکیمیندن سؤز گئدیر.بئله لیک له تبریزین یاشیل چئوره، کیشی باشی سی(سرانه) 3/3 یوزده آرتاجاق.

91ینجی ایلین باشلانیشیندان؛ 70 پیلاندان آرتیق یاشیل چئوره، تبریز شهرینده تؤره نیب وقوللانماق دونه سینه گیریب؛اوجومله دن:

-"ائل باغی" ایلنجه دینجلمه پارکی(230 هئکتار)

-1/5هئکتارلیق باغ پارک "مرزداران" و"نیاوران "شهرجی یینده

-عاییله وی" اویون شهری"،عباس میرزا پارکیندا

-"بوستان قرآن" پارکی،9000(مئترموربع  یاشیل چئوره )

-کسایی اوتوبانین ،یاشیل چئوره سینین گئنشلنمه سی


-قوندارما  سو شلاله سی،ائل باغی پارکیندا

-و...



نوشته شده توسط ائل خادیمی در 15:33 |  لینک ثابت   • 

دوشنبه دوازدهم فروردین 1392

یاریش اؤنجه سی:الشباب -تراختور

یاریش اؤنجه سی:الشباب -تراختور


آسیا قهرمانلار لیگی

گروه:A

الشباب -تراختور

یاریش چاغی:چه رشنبه آخشامی؛ ساعات21:35

ایستادیوم:ملک فهد(ریاض)

مئیدان حاکیمی:

تراختور و الشباب، آسیا لیگینده هربیرسی؛بیر اودقو و بیر برابرلیک ایله" ملک فهد" ایستادیوموندا قارشی قارشییا چیخاجاقلار.

ملک فهد ایستادیوموندا کئچیریلن یاریش؛گروه A ین آلین یازی سین بللندیره جک.

قوناق:تراختور

تراختورون ایلکین قاتقی سی:

مهدی ثابتی ، مصطفی اکرامی ، مرتضی اسدی ، محمد نصرتی ، محمد ایرانپوریان ، مهدی کیانی ، مهدی مریمیان ، فلاویو لوپز ،قاسم دهنوی ، جواد کاظمیان ، سید مهدی سید صالحی

باش مشقچی:تونی اولویرا

تراختور ایلک گؤروشونده؛تبریزده،الجزیره نی  بیر اودقو ایله اؤنه کئچدی ؛ قطر ده الجیش ین قوناغی اولدو و  بو قوناقلیغین سونوجو ایکی تیمه برابرلیک ایدی! تراختورون، ووردوغو گل لاری  بو تیمه یاردیم اولدو و تراختور گل آوراژیلا گروه Aین صدرینده یئرله شدی.

بو گروهون باشقا ایکی تیمی هر بیریسی بیر ایمتیاز ایله؛تراختور والشباب ین اودوزماغین گوزله ییر لر!

قوناقچی:الشباب

الشباب ین، ایلکین قاتقی سی:

ولید عبدالله ، صالح الغمیزی ، سیاف البیشی ، ولید جهدالی ، عبدالله احمد الاسطا ، احمد عطیف ، فرناندو ، عمرالقمدی ، کاماچو ، مهند اثری ، سباستین تاگلیا بوئه

باش مشقچی:پرودوم

الشباب ایلک هفته ده؛الجیشی2 گل لا قطره یولا سالدی! و ایکینجی گؤروشونده؛الجزیره نین ائوینده برابرلیگه چاتدی.الشباب ،عربیستان لیگینده سون اویونون التعاون تیمنین قاباغیندان اوینادی وبیر اودقو ایله تراختورون گؤروشونه چیخاجاق.

بو ایکی تیمین دؤنوش اویونو ؛فروردین نین 21ینده ،تبریزین یادیگار ایمام ایستادیوموندا کئچیریله جک.


نوشته شده توسط ائل خادیمی در 16:3 |  لینک ثابت   • 

دوشنبه دوازدهم فروردین 1392

"استانداری" سارایئ،بایرام چاغیندا ،توریست لر اوچون آچیق دیر.

دوغو آذربایجانین ،استانداری سارایئ

دوغو آذربایجانین،کولتورل میراث ،ال ایشلری وتوریزم مودورو، دئدی:"استانداری"سارای ین بیناسی؛ زندیه و قاجار دؤورلرینه یئتیشیر؛"استانداری" ساریئ، بیر موزه اولاراق؛پهلوی چاغیندا بوللو دگیشک لیقلار اؤزونه گؤروب؛بو قوجامان سارای،اسکی چاغلاردا،"عالی قاپو" آدلانیرمیش دیر.

"استانداری" سارایین بیناسی، اؤلکه نین میلی اثرلرینده ثبت اولونوب؛دورد قاتلی"استانداری" سارایین؛ گؤرمه لی بولوم لریندن؛موزه و سرگی سیندن   آد آپارماق اولار ؛ "استانداری" عیمارتین،یئر آلتی قاتیندا،دوغو آذربایجانین چاغداش والی لرین شکیل لری و یابانجی مسئول لارین وئردیگی هدیه لر گؤسته ریلیب.

آرتیرمالی دیر؛"استانداری" سارای ین قاپلاری ،بایرام چاغیندا ،توریست لر و اؤلکه داشلارین گؤروش لری اوچون آچیق دیر.



نوشته شده توسط ائل خادیمی در 14:12 |  لینک ثابت   • 

شنبه دهم فروردین 1392

65قاتلی گؤی ده لن،خاوران شهر جی یینده تیکیله جک

65قاتلی گؤی دله ن،خاوران شهر جی یینده

تبریز بلدیه سین سرمایه یاتیریم و اورتاقلیق مودورو؛"خاوران "شهرجی یینده،65 قاتلی  گؤی ده له نین تیکیلمه ییندن خبر وئردی .

"داوود ندیم"،بو گون،فارس آژانسی لا دانیشیقدا دئدی:،65قاتلی گوی ده له نین تیکلمه یینه 10 هئکتار"خاوران "شهر جی یینده یئر نظره آلینیب.

گئنل بیلیگی:

-قات سایی : 65 

-ایزلیم:"خاوران" یئرلشیم شهر جی یی

-آلت یاپی:59مین مئتر موربع

-قوللانیجیم(کاربری):هوتئل،آلیش وئریش،خدمات،ایلنجه دینجلمه

-تیکیلمک دؤنه سین زامانی:4 ایل

"ندیم"،بو پوروژه نین توپلام سرمایه یاتیریمین؛بیر تریلیون ریال بیلدیردی.

نوشته شده توسط ائل خادیمی در 22:50 |  لینک ثابت   • 

پنجشنبه هشتم فروردین 1392

تراختور،اودقو ایله داماش دان کئچدی!

تراختور فوتبال تیمی،یئنی ایلی بیر ادوقو ایله باشلادی

اون ایکینجی دووره -31ینجی هفته

یاریش چاغی: جومعه آخشامی ،ساعت 17

باخیجی:15مین نفر

ایستادیوم:عضدی(رشت)

مئیدان حاکیمی:البرز حاجی زاده


تراختور ایلک یاری دا؛"مسعود ابراهیم زاده"19 و"سید صالحی" نین 25ینجی دقیقه ده ووردوغو گل لاری ایله داماش دان اونه کئچدی(جلو افتاد)، ایکنجی یاری ایسه،داماش ،65 ینجی دقیقه ده،"علی رضا جهانبش" ین باش ضربه سی ایله گلا یئتیشدی.

اما تراختور توپلامدا؛داماش تیمنه اوستون گلدی و اویونو2-1 اوز خئیر لیگینه ،سونا چاتدیردی.تراختور بو گوروشون اودقوسو ایله،58 ایمتیازلی اولدو و جدولین اوچونجو یئرینده قالدی!

اؤزل اولای:یاریش حاکیمی،"کاظمیان" و"نصرتی" نی؛ساری ورقه ایله جزالاندیردی.

اوزل اولای:تونی اولویرا؛ تراختور اویونچولارین بارا وئرمک وعاقیل سیز اویناماقلارین ائتگی سیندن؛ حیرصله نه رک یئره ییخیلدی!

اؤزل اولای:تراختور یانداشلاری ،رشت شهرینده ایسه اوز تیم لرین یالقیز قویمادان ایستیلیک له تراختورو آلقیشلادیلار.


نوشته شده توسط ائل خادیمی در 19:36 |  لینک ثابت   • 

سه شنبه ششم فروردین 1392

یاریش اؤنجه سی، داماش -تراختور

تراختور، یاغ یاندیرماغا دوشوب!!

"تراختور" ایکی پادار اودوزماقلا، قهرمانلیغی اؤزوندن اوزاق گؤرو!البته کاغاد اوزه رینده؛ چیخی، آرتی(جمع وتفریق) ایله "تراختورو" قهرمانلیق  زیروه سینده گؤرمک اولار!

"لیگ برتر" ین 31ینجی هفته سیندن،"داماش"، رشت ین "عضدی "ایستادیوموندا ،تراختورون، قوناقچی سی اولاجاق.

"تراختور "،بئش ایمتیاز استقلال دان و ایکینجی رده ایسه 4ایمتیاز فرق له جدولین اوچونجو یئرینده، یئرله شه رک؛ "فولاد خوستان"ی 2ایمتیاز  فرقله آرخاسیندا گؤرور!

تراختور بو هفته نی اودقو ایله بیتیره بیلسه ده ؛جدول ایسه ایره لیشی اولمایاجاق! و ان پیس دورومدا،"تراختور" اوچونجولویون،"فولاد "تیمینه سوناجاق!و یاغ یاندیرماغینا داوام وئره جک!

داماش 37 ایمتیازلا جدولین 13نجو یئرینده یئرله شیب؛یوخاریلیغیندا"فجر"و" "ملوان "ی گؤرور؛"داماش" ین، ان یاخشی اودقوسو؛"پیکان "قاباغیندا اوز وئریب(بئش  هئچه)

ایکی تیم؛3دفعه گؤروشوب لر ؛بو 3 گوروشون سونوجو ؛ 2 اودقو تراختورا وبیر برابرلیک اولوب،بو فصلین گئت یاریشی2-2یه باشا چاتیب.

داماش و تراختور ایسفندین8 ساعات17ده "عضدی" استادیوموندا گؤروشه جک لر.



نوشته شده توسط ائل خادیمی در 22:36 |  لینک ثابت   • 

سه شنبه ششم فروردین 1392

بایرام و یئنی شهر سیمگه لری

بایرام و یئنی شهر سیمگه لری

یئنی شهر ائلمان لاری یا سیمگه لری؛فرقلی هئیکل لر ایله هندسی ایچ اؤزللیک لر و دیک و اگیملی صفحه لر  ، کابل لار ،گؤرنتو لر و چرچیوه لر قاتقی سیندان قورولور؛ بو یئنی یوخسا اسکی سیمگه لر ؛ هر باخیجی نین فیکرینده ایز بوراخاراق ؛شهرین گؤرنتوسون داها گؤزل له دیرلر.

یئنی شهر سیمگه لری، اسکی و چاغداش اؤلچولرین قاتقی سیندان تؤره نیر و فرقلی ،آنلام اؤزلریله داشییرلار.

سیمگه لر ؛یئنی شهر گؤسته ریجی لریندن بیریسی اولور؛تبریز بلدیه سی،یاز بایرامیندا،مئیدان لاری گؤزل لشدیرمک اوچون؛30دان آرتیق ائلمان وسیمگه قوروب.

آرتیرمالیدیر؛تبریز بلدیه سی؛نئچه ایل دیر،شهر ایچینده، یئنی سیمگه لرین قورماغینا همت گؤسته ریر .

 شهر سیمگه لری ؛بایرام قوناق لارین  طرفیندن یاخشی قارشیلانیر.


نوشته شده توسط ائل خادیمی در 14:45 |  لینک ثابت   •